Loading...

Byrek Kosove

Perbersit:
Për brumin:
800 ml ujë të vakët
20 gr kripë
1300 gr miell
Për mbushjen:
1200 gr djath
300 ml ajke e thartë
3 vezë
6 lugë gjelle vaj
jogurt.

Pergatitja:
Me përbërësit e mësipërm formojmë brumin, të cilin pastaj e ndajmë në 20 kuleç të vegjël nga 100 gramë.

Secilin kulaç e lyejmë me vaj dhe mbulojmë me qese kuzhine. I lëmë të pushojnë për 30-40 minuta.

Ndërkohë përgatisim mbushjen. Vezët i tundim dhe i bashkojmë me përbërësit e tjerë, derisa të krijojmë një masë homogjene.

Më pas sipërfaqen ku do të tëhollojmë petët e lyejmë me vaj. Nisim e tëhollojmë petët duke i tërhequr me duar nga jashtë, derisa të fitojmë një petë të hollë e që nuk shqyhet.

Pas hapjes së petës në madhësi të dëshirueshme e palosim pjesën e poshtme një herë, ia vëmë mbushjen e përgatitur, ndërsa qoshet i mbyllim me kujdes që të mos rrjedhë mbushja jashtë.

Më pas peta paloset mirë si role dhe sa më hollë që është e mundur. E bëjmë dyfish dhe e lyejmë me pak vaj që të mos thahet, deri në përgatitjen e petëve të tjera.

Petët e renditura i lyejmë me jogurt dhe i pjekim në furrën e parangrohur në 250 gradë për 25 minuta.

Ju befte mir!

Loading...

Receta të ngjajshme...